Tarmoq yangiliklar
2015 yilning I yarmi yakunlari bo'yicha “O'zkimyosanoat” DAK korxonalari faoliyati to'g'risida
2015 yilning yanvar-iyun oylarida “O'zkimyosanoat” korxonalarida 1102,5 mlrd. so'mlik tovar mahsulot (o'sish sur'ati 103,5%) hamda 110,6 mlrd.so'mlik xalq iste'mol mollari (o'sish sur'ati 137,4%) ishlab chiqarildi.
“Navoiyazot” AJ va Yaponiyaning kompaniyalari bilan shartnoma imzoladi
“Navoiyazot” AJ va Yaponiyaning «Mitsubishi Heavy Industries» i «Mitsubishi Corporation» kompaniyalari o'rtasida ammiak va karbamid ishlab chiqarish majmuasini qurish bo'yicha “foydalanishga to'liq topshirish” sharti bilan kontrakt imzolandi. Joriy yilning iyun oyida “Navoiyazot” AJ va Yaponiyaning «Mitsubishi Heavy Industries» i «Mitsubishi Corporation» kompaniyalari o'rtasida ammiak va karbamid ishlab chiqarish majmuasini qurish bo'yicha EPCC (loyihalashtirish, uskuna sotib olish, qurish va foydalanishga topshirish) sharti bilan kontrakt imzolandi.
2015 yil I yarim yillik murojaatlar tahlili
O'zbekiston Respublikasi “Jismoniy va yuridik shaxslarning murojaatlari to'g'risida”gi Qonuniga binoan, 2015 yilning yanvar-iyun oylari davomida kompaniya korxonalari va tashkilotlari tomonidan Jismoniy va yuridik shaxslarni qabul qilish, xat va arizalarini ko'rib chiqish holati va natijalari yuzasidan 2015 yil 15 iyun kuni bo'lib o'tgan "O'zkimyosanoat" davlat aksiyadorlik kompaniyasi boshqaruvining selektor yig'ilishida tanqidiy muhokama qilindi.
“O'zkimyosanoat” DAK korxonalari tarmoq sanoat yarmarkasida
Shu yil 10-12 iyun kunlari “O'zekspomarkaz”da o'tkazilgan geologiya, yoqilg'i-energetika, kimyo, neft-kimyo va metallurgiya sanoati hamda axborot tizimlari va telekommunikatsiyalar masalalari komplekslarining tarmoq sanoat yarmarkasi 2015 yilda ishlab chiqarish dasturi doirasida “O'zkimyosanoat” korxonalari mahalliy ishlab chiqaruvchilardan 1,7 mlrd so'mlik mahsulotlarini sotib olish bo'yicha shartnomalar tuzildi. Tadbir O'zbekiston Respublikasi Prezidentining 2009 yil 1 dekabrdagi “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qo'shimcha chora-tadbirlar to'g'risida”gi qaroriga muvofiq Xalqaro sanoat yarmarkasi va Kooperatsiya birjasining birinchi bosqichi doirasida o'tkazildi.
“Qo'qon superfosfat zavodi” AJda mashqlar o'tkazildi
2015 yil 28 mayda “Qo'qon superfosfat zavodi” AJda korxonaning fuqaro muhofazasi tuzilmalari Qo'qon shahrining Favqulodda vaziyatlar davlat quyi tizimining xizmatlari bilan birgalashib hamkorlikda ishlash ko'nikmalarni takomillashtirish bo'yicha maxsus-taktik mashqi o'tkazildi. Mashq davomida texnogen xususiyatga ega shartli favqulodda vaziyatni bartaraf etish bo'yicha vazifalar bajarildi. Maxsus - taktik mashqiga 124 nafar kishi hamda 7-ta maxsus va muhandislik texnika vositalari jalb etildi.
