Tarmoq yangiliklar
“O'zkimyosanoat” DAK Innovatsiya yarmarkasi ishida faol qatnashdi
“O'zkimyosanoat” DAK korxonalari shu yil 19-21 may kunlari “O'zekspomarkaz”da o'tkazilgan VIII Respublika innovatsiya g'oyalar, texnologiyalar va loyihalar yarmakasi ishida faol ishtirok etdi. Yarmarkaning kimyo sanoati shu'basida kompaniya korxonalari tomonidan 2014 yilda o'zlashtirilgan va joriy yilda ishlab chiqarilishini rejalashtirilgan mahsulotlar namunalari, 2015 yil innovatsiya loyihalari hamda “O'zkimyosanoat” DAK korxonalarining innovatsiya ehtiyojlari bo'yicha materiallar namoyish etildi.
Auditor tashkilotlarini tanlash maqsadida ochiq tanlov
“O'zkimyosanoat” davlat aksiyadorlik kompaniyasi Xalqaro audit va Xalqaro moliyaviy hisobotlar talablariga javob beradigan 2015 yil yakunilari bo'yicha tashqi audit o'tkazish uchun auditor tashkilotlarini tanlash maqsadida ochiq tanlov e'lon qiladi.
2015 yilning yanvar-aprel oylarida “O'zkimyosanoat” DAK korxonalari faoliyati to'g'risida
2015 yilning yanvar-aprel oylarida “O'zkimyosanoat” korxonalarida 688,1 mlrd. so'mlik tovar mahsulot ishlab chiqarilib, 2014 yilning shu davriga nisbatan o'sish sur'ati 104,6% tashkil qildi. Ayni paytda 59,9 mlrd.so'mlik xalq iste'mol mollari ishlab chiqarildi va o'tgan yilning ayni davriga nisbatan o'sish sur'ati 106,3%.
VIII Respublika Innovatsion g'oyalar, texnologiyalar va loyihalar yarmarkasi
O'zbekiston Respublikasi Vazirlar Mahkamasining 2015 yil 23 aprelidagi №266-F sonli farmoyishiga asosan 2015 yilning 19-21 may kunlari Toshkent shaxrining AO MKK “O'zekspomarkaz”ida Innovatsion g'oya, texnologiya va loyihalarning VIII Respublika yarmarkasi bo'lib o'tadi. “O'zkimyosanoat” DAK ko'rgazmada korxonalarda o'zlashtirilgan yangi kimyoviy mahsulotlar turlari, so'nggi yillarda o'zlashtirilgan yangi innovatsion mahsulotlarning bukletlari hamda innovatsion ishlanmalarga bo'lgan talablari bilan ishtirok etadi.
Farg'ona va Andijon viloyatlarida seminar-kengash o'tkazildi
2015 yil 7-may kuni “O'zkimyosanoat” DAK O'zbekiston Respublikasi Ichki ishlar vazirligi bilan hamkorlikda «Mineral o'g'itlarni kimyo korxonalarida ishlab chiqarish, sotish, tarqatish, «Qishloqxo'jalikkimyo» HAJlari omborxonalarida saqlash tartib-qoidalari hamda ularni qishloq xo'jalik mahsulotlarini ishlab chiqaruvchi xo'jaliklar dalalariga yetkazib berishda o'g'irlanishi, talon-taroj qilinishi, xonadonlarda noqonuniy saqlanishi hamda chetga olib chiqib ketilishiga qarshi kurash borasidagi profilaktik tadbirlarni to'g'ri tashkil etish chora-tadbirlari » mavzuida seminar-kengash o'tkazishdi.
