O'zbekiston yangiliklari
O'zbekiston Savdo-sanoat palatasi tadbirkorlar uchun seminar o'tkazdi
O'zbekiston Savdo-sanoat palatasi tomonidan tadbirkorlarning huquqiy bilimini oshirishga bag'ishlangan seminar-trening o'tkazildi. Prezidentimiz rahnamoligida kichik biznes va xususiy tadbirkorlikni rivojlantirishga qaratilayotgan e'tibor tufayli mamlakatimiz iqtisodiyoti barqaror rivojlanib, xalqimiz farovonligi tobora yuksalib borayotgani alohida ta'kidlandi.
O'zbekistonda 2017 yilda Mahalliylashtirish dasturi doirasida 960 loyiha amalga oshiriladi
Prezidentimiz Shavkat Mirziyoevning 2016 yil 26 dekabrdagi “2017-2019 yillarda tayyor mahsulot turlari, butlovchi buyumlar va materiallar ishlab chiqarishni mahalliylashtirishning istiqbolli loyihalarini amalga oshirishni davom ettirish chora-tadbirlari to'g'risida”gi qarori mahalliylashtirish ko'lamini yanada kengaytirishga xizmat qilmoqda. Qaror bilan tasdiqlangan dasturga muvofiq, kelgusi ikki yilda mamlakatimizda 3 milliard 400 million dollarlik qariyb 1 ming 150 loyihani amalga oshirish ko'zda tutilgan.
Kanada biznes delegatsiyasi O'zbekistonda
O'zbekiston Savdo-sanoat palatasida 14 mart kuni Kanadaning Rossiya va Yevroosiyodagi Ishbilarmonlik assotsiatsiyasi (CERBA) boshqaruvi raisi Neytan Xant bilan uchrashuv bo'lib o'tdi. Savdo-sanoat palatasi raisi Alisher Shayxov bilan muloqot chog'ida O'zbekiston bilan Kanada o'rtasidagi savdo-iqtisodiy hamkorlik izchil rivojlanayotgani ta'kidlandi. Bugungi kunda mamlakatimizda Kanada kapitali ishtirokidagi qariyb qirq korxona faoliyat yuritmoqda.
O'zbekiston Respublikasi delegatsiyasining Birlashgan Arab Amirliklariga tashrifi yakunlari to'g'risida
Joriy yilning 1-3 mart kunlari O'zbekiston Respublikasi va Birlashgan Arab Amirliklari o'rtasidagi savdo-iqtisodiy hamkorlik bo'yicha Hukumatlararo komissiyaninig ikkinchi yig'ilishida ishtirok etish uchun Tashqi iqtisodiy aloqalar, investitsiyalar va savdo vaziri E.G'aniev boshchiligidagi O'zbekiston Respublikasi delegatsiyasi Abu–Dabi shahriga tashrif buyurdi.
Hamkorlik izchil rivojlanmoqda
Poytaxtimizdagi Xalqaro hamkorlik markazida 26 dekabr kuni O'zbekiston Respublikasi bilan Qozog'iston Respublikasi o'rtasida ikki tomonlama hamkorlik bo'yicha hukumatlararo qo'shma komissiyaning navbatdagi majlisi bo'lib o'tdi. Tadbirda ikki mamlakatning iqtisodiyot, bank-moliya, savdo-sanoat, sarmoya, bojxona, yoqilg'i-energetika, avtomobilsozlik, transport va transport kommunikatsiyalari, qishloq va suv xo'jaligi, kichik biznes va xususiy tadbirkorlik, sayyohlik va aviatashuv kabi sohalarda faoliyat ko'rsatayotgan qator vazirlik va idoralari, firma va kompaniyalari vakillari ishtirok etdi.
