Xодимларнинг жисмоний тайёргарлиги ва амалий кўникмалари синовдан ўтказилди

Фавқулодда ҳолат вақт, жой танламайди. Ишлаб чиқариш жараёнидаги кўнгилсизликларнинг олдини олиш муҳим вазифа. Кутилмаган вазиятларда эса тўғри қарор қабул қилиш ва тезкорлик билан зарур чора-тадбирларни амалга ошириш талаб этилади.

Корхонанинг ҳарбийлаштирилган газдан қутқарув отряди ходимлари иштирокида 911-цехда бўлиб ўтган навбатдаги ўқув амалий машғулоти ҳам фавқулодда вазиятларга шайликни оширишга қаратилди.

Ишлаб чиқариш жараёнидаги авария ҳолати натижасида кимёвий заҳарланиш кузатилганда соҳа вакиллари амалга оширадиган ҳатти-ҳаракат синовдан ўтди.

Машғулотга махсус транспорт воситалари ҳам жалб этилди.

«НАВОИЙАЗОТ» АЖ АХБОРОТ ХИЗМАТИ