"Chirchiq" кимё-индустриал технопаркига глобал автомобиль саноати гиганти TENNECO вакиллари ташриф буюрди

"Chirchiq" технопарки дунёнинг етакчи автомобиль саноати корхоналаридан бири — Tenneco Inc. (NYSE: TEN)нинг Ҳиндистондаги филиали вакилларини қабул қилди. Автомобиль бутловчи қисмлари ҳамда чиқинди газ тизимларини ишлаб чиқариш бўйича жаҳон етакчиларидан бири ҳисобланган корхона Ўзбекистоннинг саноат майдонларига катта қизиқиш билдирди.

Ташрифнинг асосий мақсади технопарк инфратузилмаси билан батафсил танишиш, шунингдек, унинг ҳудудида корхоналарнинг ўз ишлаб чиқариш қувватларини жойлаштириш учун яратилган шарт-шароитларни атрофлича ўрганишдан иборат бўлди.

Ташриф якунлари бўйича ўзаро манфаатли ҳамкорликни янада ривожлантиришга қаратилган мулоқотни давом эттириш юзасидан дастлабки келишувга эришилди.