«5000 қадам» — Мустақиллик сари соғлом қадам!

Ўзбекистон Республикаси давлат мустақиллигининг 35 йиллиги — юртимизнинг тараққиёт йўли, эзгу мақсадлар ва янги марралар сари интилишини ифодаловчи улуғ айёмдир.

Шу муносабат билан «Аммофос-Махам» АЖнинг «Чимён» болалар соғломлаштириш оромгоҳида ишчи-ходимлар иштирокида «5 000 қадам» юриш тадбири ташкил этилди.

Тадбир иштирокчилари биргаликда 5 000 қадам юриб, соғлом ҳаёт тарзи, жисмоний фаоллик ва фаол ҳаёт позициясини қўллаб-қувватладилар.

Айниқса, юртимиз мустақиллигининг 35 йиллигини муносиб кутиб олиш арафасида ўтказилган ушбу ташаббус ходимларни бир мақсад атрофида бирлаштириб, кўтаринки кайфият бағишлади.