Matbuot markazi
Rezinatexnika buyumlari ishlab chiqarishga mo'ljallangan korxona faoliyati rivojlantirilmoqda
“Birinchi rezinotexnika zavodi” mas'uliyati cheklangan jamiyati O'zbekiston Respublikasi Prezidentining “Angren” erkin iqtisodiy zonasi hududida rezinatexnika buyumlari zavodi qurilishini tashkil etish chora-tadbirlari to'g'risida”gi qarori bilan 2014 yilda tashkil etilib 2018 yil iyul oyidan mahsulot ishlab chiqara boshladi. Korxona yiliga 3 million dona avtomobil hamda 200 ming dona qishloq xo'jaligi shinalari va 100 ming pagonometr konveyer lentasi ishlab chiqarish quvvatiga ega. Mazkur zavodni qurilishiga Davlat kafolati ostidagi Xitoyning “Eksimbank” bankidan 156,4 mln. dollar mablag'lar jalb qilingan.
"Ammofos-Maksam" aksiyadorlik jamiyati Kuzatuv Kengashi yig'ilishi o'tkazildi
"Ammofos-Maksam" aksiyadorlik jamiyati Kuzatuv Kengashi yig'ilishida "Ammofos-Maksam" AJ Boshqaruvi a'zolarining vakolat muddatlarini bir yilga uzaytirish to'g'risida qaror qabul qilindi.
“Qo'ng'irot soda zavodi” MChJ tomonidan “A” markali kaltsinatsiyalangan soda ishlab chiqarila boshlandi
Joriy yil 30 iyun kuni “Qo'ng'irot soda zavodi”da “A” markali “og'ir” kaltsinatsiyalangan soda olindi. Keyingi 3 kun davomida ishlab chiqarish quvvatlari to'liq rejimga chiqishi rejalashtirilmoqda.
2 iyul – O'zbekiston Respublikasi Davlat gerbi qabul qilingan kun!
O'zbekiston Respublikasi Davlat gerbi O'zbekiston Respublikasi davlat mustaqilligining ramzidir. O'zbekiston Respublikasi Davlat gerbi quyidagi ko'rinishga ega: tog'lar, daryolar va so'l tomoni bug'doy boshoqlaridan, o'ng tomoni esa chanoqlari ochilgan g'o'za shoxlaridan iborat chambarga o'ralgan gullagan vodiy uzra quyosh zarrin nurlarini sochib turadi. Gerbning yuqori qismida Respublika hurligining ramzi sifatida sakkizburchak tasvirlangan bo'lib, uning ichki qismida yarim oy va yulduz tasvirlangan. Gerbning markazida baxt va erksevarlik ramzi — qanotlarini yozgan Humo qushi tasvirlangan. Gerbning pastki qismida O'zbekiston Respublikasi Davlat bayrog'ini ifoda etuvchi chambar lentasining bantida “O‘zbekiston” deb yozib qo'yilgan.
“Yoshlar kuni” bilan!
“O'zkimyosanoat” aksiyadorlik jamiyati mamlakatimiz kimyosanoati tizimida faoliyat yuritayotgan yosh kimyogarlarni va yurtimizning barcha yoshlarini “Yoshlar kuni” bilan muborakbod etadi! Yurtimiz rivoji va jahon hamjamiyatidagi nufuzini oshirish yo'lida olib borayotgan izlanishlaringizga muvaffaqiyatlar tilaymiz. Sizlarga mustahkam sog'lik hamda yangi marralarni zabt etishingizda kuch-g'ayrat tilaymiz.
