Tarmoq yangiliklar
“Oʻzkimyosanoat” AJ Yuridik boshqarmasi yetakchi yuriskonsulti Xurshida Abdullayeva “Mehnat huquqlarimizni oʻrganamiz” huquqiy aksiyasi doirasida oʻtkazilgan tanlovda faxrli 1-oʻrinni egalladi
“Oʻzkimyosanoat” AJ Yuridik boshqarmasi yetakchi yuriskonsulti Xurshida Abdullayeva “Mehnat huquqlarimizni oʻrganamiz” huquqiy aksiyasi doirasida oʻtkazilgan tanlovda faxrli 1-oʻrinni egalladi. “Oʻzkimyosanoat” AJ jamoasi Xurshida Abdullayevani mazkur muvaffaqiyat bilan tabriklaydi!
Maxsus tibbiy ko'rik tashkil etildi
O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi ko‘magida “Sharqiy Yevropa va Markaziy Osiyo mamlakatlariga yuqumli kasalliklarni oldini olish sohasida texnik yordam ko‘rsatish dasturi” doirasida ko‘chma tibbiy klinika faoliyati yo‘lga qo‘yilgan. Joriy yilning 26-iyul kuni Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazining malakali shifokorlari hamda “O’zkimyosanoat” AJ va “Maxam-Chirchiq” AJ rahbariyati bilan hamkorlikda jamiyatning 120 nafar xotin-qizlarining salomatligiga eʻtibor qaratish va tiklash uchun korxona hududida kasalliklarni erta skriningdan oʻtkazish maqsadida mobil mammografik kompleks jalb qilingan holda, tor doiradagi mutaxassislar va umumiy amaliyot shifokorlari yordamida chuqurlashtirilgan tibbiy koʻrik tashkil etildi.
Shveytsariyada boʻlib oʻtgan nufuzli Xalqaro kimyo olimpiadasida Oʻzbekistonlik oʻquvchilar medallarini qoʻlga kiritishdi
Joriy yilning 16-24-iyul kunlari Shveytsariyada boʻlib oʻtgan nufuzli Xalqaro kimyo olimpiadasida Oʻzbekistonlik oʻquvchilar 2 ta oltin, 1 tadan kumush va bronza medallarini qoʻlga kiritishgan edi. Bugun tongda Oʻzbekiston terma jamoasi aʻzolari Islom Karimov nomidagi Toshkent xalqaro aeroportida tantanali ravishda kutib olindi. Maktabgacha va maktab taʻlimi vazirligi bilan hamkorlikda “Oʻzkimyosanoat” AJ tomonidan tashkil qilingan tadbirda oʻquvchilarning ota-onalari va yaqinlari, ular taʻlim oladigan maktablar vakillari hamda ustozlari, shuningdek, OAV vakillari ishtirok etishdi.
"Maxam-Chirchiq" AJda sayyor qabul haftaligi boshlandi
Bugun “O‘zkimyosanoat” aksiyadorlik jamiyati boshqaruv raisi maslahatchisi - Xotin-qizlar kengashi raisi S.M.Abduraxmanova, "Maxam-Chirchiq" aksiyadorlik jamiyatining korxonaning boshlang'ich xotin-qizlar tashkiloti raisi-M.Shorayimova ishtirokida sayyor qabullar haftaligi boshlandi.
"Dehqonobod kaliy zavodi" AJ milliy tanlovda g‘olib bo‘ldi
Oliy Majlis Senati Kengashining 2022-yil 27-apreldagi KQ-340-IV-sonli Qaroriga asosan Oliy Majlis Senati, Xotin-qizlarning jamiyatdagi rolini oshirish, gender tenglik va oila masalalari bo‘yicha komissiyasi hamda Oila va xotin-qizlar qo‘mitasi tomonidan o‘tkazilgan "Gender tenglik faoli-2022" milliy tanlovining "Gender tenglikni ta’minlashda eng faol tuman davlat organi(tashkiloti)" nominatsiyasi bo‘yicha "Dehqonobod kaliy zavodi" AJ g‘olib bo‘ldi.
