Xodimlarning jismoniy tayyorgarligi va amaliy ko‘nikmalari sinovdan o‘tkazildi

Favqulodda holat vaqt, joy tanlamaydi. Ishlab chiqarish jarayonidagi ko‘ngilsizliklarning oldini olish muhim vazifa. Kutilmagan vaziyatlarda esa to‘g‘ri qaror qabul qilish va tezkorlik bilan zarur chora-tadbirlarni amalga oshirish talab etiladi.

Korxonaning harbiylashtirilgan gazdan qutqaruv otryadi xodimlari ishtirokida 911-sexda bo‘lib o‘tgan navbatdagi o‘quv amaliy mashg‘uloti ham favqulodda vaziyatlarga shaylikni oshirishga qaratildi.

Ishlab chiqarish jarayonidagi avariya holati natijasida kimyoviy zaharlanish kuzatilganda soha vakillari amalga oshiradigan hatti-harakat sinovdan o‘tdi.

Mashg‘ulotga maxsus transport vositalari ham jalb etildi.

"NAVOIYAZOT" AJ AXBOROT XIZMATI