Sarhisob: “Oʻzkimyosanoat” AJda 2025-yilda inson resurslarini rivojlantirishga qaratilgan ishlar

2025-yilda “Oʻzkimyosanoat” AJ tomonidan inson resurslarini rivojlantirishga alohida eʼtibor qaratildi. 

• Yil davomida kimyo sanoati tizimida jami 6427 nafar ishchi-xodimlar malakasi oshirildi. 
• Shundan 3294 nafari respublika oʻquv markazlarida, 3133 nafari esa korxonalar huzuridagi oʻquv markazlarida taʼlim oldi. 
• Malaka oshirganlar orasida 1277 nafarini yoshlar (20%) va 1461nafarini (22,7%) ayollar tashkil qiladi.
• Shuningdek, 708 nafar xodim mahalliy va xorijiy oliy taʼlim muassasalarida tayyorlandi.
• Xodimlarni tayyorlash, qayta tayyorlash va malakasini oshirish uchun 6 mlrd soʻmdan ortiq mablagʻ yoʻnaltirildi. 

Tizimga rahbar kadrlar tayyorlash maqsadida Oʻzbekiston Respublikasi Prezidenti huzuridagi Davlat siyosati va boshqaruvi akademiyasining 2025/2026-oʻquv yili magistraturasiga tarmoqdan 6 nafar mutaxassis qabul qilindi.