“Oʻzkimyosanoat” AJ "Job Fest- 2024" kuzgi boʻsh oʻrinlari yarmarkasida ishtirok etdi

20-noyabr kuni Inha universitetida “Job Fest- 2024 kuzgi boʻsh oʻrinlari yarmarkasi” boʻlib oʻtdi. 

Talaba-yoshlarni qoʻllab-quvvatlash, respublikamiz boʻylab kadrlar siyosatini oqilona targʻib etish, aholi bandligiga koʻmaklashish maqsadida tashkil etilgan ushbu yarmarkada “Oʻzkimyosanoat” AJ masʼullari ham faol ishtirok etishdi. 

Unda yoshlarga tashkilot va tarmoq korxonalaridagi mavjud ish oʻrinlari, nomzodlarga qoʻyiladigan talablar, mehnat sharoiti toʻgʻrisida maʼlumotlar berildi.

Bu kabi tadbirlar bitiruvchi yoshlar bandligini taʼminlash bilan bir qatorda kimyo sanoati sohasiga iqtidorli va bilimli yoshlarni jalb qilish hamda korxonalarning kadrlar zaxirasini shakllantirishga xizmat qiladi.

“Oʻzkimyosanoat” AJ Matbuot xizmati