“Kitobxon xodim” koʻrik-tanlovining respublika bosqichi boʻlib oʻtdi

Oʻzbekiston Respublikasi Prezidentining “2022-2026-yillarga moʻljallangan Yangi Oʻzbekistonning taraqqiyot strategiyasi toʻgʻrisidagi” farmoni, “2020-2025-yillarda kitobxonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida”gi qarori ijrosini taʼminlash, xodimlar oʻrtasida kitobxonlik madaniyatini yuksaltirish, kitobxonlikka keng targʻib etish maqsadida tarmoq korxonalarida “Kitobxon xodim” tanlovining ilk bosqichlari oʻtkazilgan edi.

Bugun “Oʻzkimyosanoat” AJda 30 yoshdan yuqori boʻlgan xodimlar uchun tanlovning respublika bosqichi boʻlib oʻtdi.

Unda xodimlar 3 ta shart boʻyicha bellashib, oʻzbek va jahon adabiyoti namunalari, atoqli shoir-yozuvchilar va allomalarning tarjimai hollari boʻyicha bilimlari sinovdan oʻtkazildi.

“Oʻzkimyosanoat” AJ Matbuot xizmati