Bugun Oʻzbekiston Respublikasida aholi va qishloq xoʻjaligini roʻyxatga olish tadbirining birinchi yaʼni, onlayn roʻyxatdan oʻtish bosqichi boshlandi

Mamlakat taraqqiyotida muhim ahamiyatga ega boʻlgan ushbu tadbirning natijadorligini taʼminlash va sifatli oʻtkazish maqsadida “Oʻzkimyosanoat” AJ vakillaridan iborat ishchi guruhi biriktirilgan hududlarda qator amaliy ishlarni tashkil qilmoqda. 

Prezidentimizning 2025-yil 19-sentabrdagi “Aholi va qishloq xoʻjaligini roʻyxatga olish tadbirini oʻtkazish toʻgʻrisida”gi Farmoni ijrosi doirasida “Oʻzkimyosanoat” AJ boshqaruvi raisi oʻrinbosari A.Kurbanov boshchiligidagi ishchi guruhi poytaxtimizning Uchtepa tumanida boʻldi.

Aholini roʻyxatga olish boʻyicha tuzilgan shtabda reja asosida tashkil etiladigan ishlar kelishib olindi, ayrim kamchiliklar joyida barataraf etildi.

Shuningdek, tumandagi “Katta Qani” MFYga tashrif buyurilib, tadbirga tayyorgarlik holati oʻrganildi. Mahalla yettiligi vakillari bilan suhbat oʻtkazilib, tegishli tavsiyalar berildi.