"Чирчиқ" технопарки резиденти экологик акция ўтказди
https://special.uzkimyosanoat.uz/uz/press/news/chirchiq-tehnoparki-rezidenti-ekologik-akciya-utkazdi
"Чирчиқ" технопарки резиденти BCG GROUP Oz (Grass) компанияси дарахт экиш бўйича экологик акция ўтказди
"Чирчиқ" технопарки резиденти бўлган BCG GROUP Oz (Grass) корхонаси ҳудудни кўкаламзорлаштириш ва атроф-муҳит ҳолатини яхшилашга қаратилган экологик акция ташкил этди.
Акция доирасида корхона ходимлари дарахт кўчатларини экдилар. Келгусида ушбу яшил дарахтзорлар чанг тарқалишини камайтириш, ҳаво сифатини яхшилаш ва ҳудудда янада қулай микроиқлим яратишга хизмат қилади. Шунингдек, кўкаламзорлаштириш ишлари технопарк ҳудудини янада обод ва қулай масканга айлантиришга ёрдам беради.
Бундай экологик ташаббуслар атроф-муҳитни асраш, экологик барқарорликни мустаҳкамлаш ва ишлаб чиқариш обектлари ҳудудида қулай экологик шароит яратишга хизмат қилади.
