2034 йилга бориб капроннинг жаҳон бозори ҳажми 28,5 миллиард долларга етиши мумкин
https://special.uzkimyosanoat.uz/uz/press/news/2034-yilga-borib-kapronning-zhahon-bozori-hazhmi-28-5-millia
Яримкристал полиамид полимери — капрон (нейлон 6)нинг жаҳон бозори 2024 йилда 16,6 миллиард долларни ташкил этди ва тахминларга кўра, 2025 йилда 17,5 миллиард долларга, 2034 йилга келиб эса 28,5 миллиард долларгача ўсиши мумкин. Бу давр мобайнида ўртача йиллик ўсиш суръати 5,57% ни ташкил этади. Бу ҳақда Преcэденcэ Ресеарч агентлиги ўз тадқиқотида маълум қилган.
Урбанизация ва индустриализация каби макроиқтисодий омиллар бозорнинг кенгайишида муҳим роль ўйнамоқда, айниқса сўнгги йилларда етакчи бўлиб келаётган Осиё-Тинч океани минтақасида. 2025–2034 йиллар оралиғида эса бозорнинг энг тез ўсиши Шимолий Америкада кузатилиши кутилмоқда.
Тадқиқот маълумотларига кўра, маҳсулотнинг ишлаб чиқарилиш шакли бўйича 2024 йилда энг катта улуш толалар сегментига тўғри келган. Қўлланилиш соҳаси бўйича эса текстиль ва кийим-кечак сегментлари етакчи ўринни эгаллаган. Нейлон 6 бозоридаги даромад ўсиши, асосан, унинг автомобилсозлик ва текстиль саноатида қўлланилишининг ортиши, шунингдек, барқарор ишлаб чиқариш технологияларидаги илғор ютуқлар билан боғлиқ.
«Ўзкимёсаноат» АЖ Матбуот хизмати