Xitoyda pestisidlarning innovatsion formulasi ishlab chiqildi
https://special.uzkimyosanoat.uz/oz/press/news/xitoyda-pestisidlarning-innovatsion-formulasi-ishlab-chiqild
Xitoy Fanlar akademiyasining Xefey fizika fanlari instituti tadqiqotchilari ekinlar va ekologik xavfsizlikka eʼtibor qaratgan holda zararkunandalarga qarshi samarali kurashni taʼminlovchi yangi “yashil” pestisid formulasini yaratdilar.
Pestisidning yangi formulasi oʻzgartirilgan uglerod nuqtalari va kalsiy karbonat zarralarini abamektin uchun tashuvchi sifatida ishlatadi. Ushbu eritma oʻsimlik barglariga yopishqoqlikni kuchaytiradi, faol moddani quyosh nurlari degradatsiyasidan himoya qiladi va pestitsidning asta-sekin tarqalishini taʼminlaydi. Bu esa uni uzoq muddat samara berishini anglatadi.
Oʻsimlik barglaridagi karbonat kalsiy oz miqdordagi kislotali muhitga tushganda parchalanadi va pestitsidning tarqalishini tezlashtiradi. Bundan tashqari, uglerod nuqtalari chiqaradigan fluoressensiya pestitsidlarni qoʻllash jarayonini kuzatib borishni osonlashtiradi.
“Boshqariladigan tarqalish” mexanizmi pestitsidni hatto ultrabinafsha nurlanish yoki yomgʻir kabi sharoitlarda ham faol boʻlib qolishiga imkon beradi.
“Oʻzkimyosanoat” AJ Matbuot xizmati