Sulzer kompaniyasi polistirolni kimyoviy qayta ishlash texnologiyasini yoʻlga qoʻydi

Germaniyaning Sulzer kompaniyasi polistirol materiallarini kimyoviy qayta ishlash uchun moʻljallangan EcoStyrene texnologiyasini ishga tushirganini eʼlon qildi. Kompaniya maʼlumotiga koʻra, ushbu texnologiya turli xil ifloslantiruvchi moddalarni oʻz ichiga olgan polistirol chiqindilarini qayta ishlash imkonini beradi.

"Anʼanaviy qayta ishlash usullaridan farqli oʻlaroq, biz ishlab chiqqan texnologiya olovga chidamli moddalar va oziq-ovqat qoldiqlarini oʻz ichiga olgan polistirol chiqindilarini ham samarali qayta ishlashga imkon beradi. 

Bu esa avval qayta ishlab boʻlmaydigan materiallarni yana ishlab chiqarish jarayoniga jalb qilish imkonini yaratadi, jumladan, oziq-ovqat bilan bevosita aloqa qiladigan sohalarda ham", — deyiladi kompaniya xabarida.

Yangi texnologiya piroliz jarayonidan oldin antipirenlar va boshqa galogenlangan birikmalarni chiqindidan ajratib olish imkonini beradi. 

Shu orqali ifloslangan polistirol yuqori sifatli stirol monomeriga aylantiriladi va u hatto oziq-ovqat bilan aloqa qilishi talab qilinadigan sohalar uchun ham mos boʻladi.

“Oʻzkimyosanoat” AJ Matbuot xizmati